Shortandyda Májilis komıtetiniń kóshpeli otyrysy ótti
Bul týraly Májilistiń baspasóz qyzmeti habarlady.
Otyrysqa Májilis Tóraǵasynyń orynbasary Vladımır Bojko, Májilistegi «Nur Otan» partııasy fraktsııasynyń janyndaǵy Áleýmettik keńestiń jáne Óńirlik saıasat pen máslıhattarmen jumys jónindegi keńestiń músheleri, Aýyl sharýashylyǵynyń birinshi vıtse-mınıstri A.Evnıev, Aýyl sharýashylyǵy, Bilim jáne ǵylym mınıstrlikteriniń, Aqmola, Qaraǵandy, Qostanaı, Pavlodar jáne Soltústik Qazaqstan oblystary ákimdikteriniń, qoǵamdyq birlestikter men bıznes ortanyń ókilderi qatysty.
Komıtettiń otyrysynda agrarlyq ǵylymdy damytýdyń ózekti máseleleri, kommertsııalandyrý jáne ǵylym nátıjelerin óndiriske engizý, sondaı-aq agroónerkásip keshenine kadrlar daıarlaý problemalary talqylandy. Atap aıtqanda, aýyl sharýashylyǵy salasynyń ınnovatsııalyq damýy agrarlyq ǵylymnyń, agrarlyq joǵary oqý oryndary men aýyl sharýashylyǵy taýarlaryn óndirýshilerdiń tyǵyz yntymaqtasýyna baılanysty ekeni, al bul, ókinishke oraı, áli jetkilikti túrde damymaǵany sóz boldy. Buǵan agrarlyq ǵylymnyń AÓK sýbektilerimen álsiz ózara is-qımyly, kadrlyq resýrstardyń jetispeýshiligi, bıýdjetten bólinetin qarjy qarajatynyń tıimsiz bólinip ıgerilýi, ǵylym qyzmetiniń nátıjelerin óndiriske kommertsııalandyrý júzege asyrylmaıtyny áser etedi.
Óz kezeginde depýtattar talqylanǵan máselelerdiń ózektiligine nazar aýdara otyryp, Memleket basshysynyń alǵa qoıǵan mindetterin sheshýge kómektesetin ǵylymnyń, bilim berýdiń jáne aýyl sharýashylyǵy óndirisiniń odan ári ıntegratsııasynyń qajettiligin atap ótti.
Otyrysta aıtylǵan usynystardy eskere otyryp, Komıtet ýákiletti organdarǵa tıisti usynystardy ázirleýdi qarastyrady.
