Short-trekten álem kýboginde Qazaqstan qyzdar komandasy qola aldy
Nıderlandtyń Leevarden qalasynda ótip jatqan short-trekten jasóspirimder arasyndaǵy álem kýboginiń ekinshi kezeńinde Qazaqstan qyzdar komandasy qola júlde ıelendi, dep habarlaıdy Kazinform.
Jarys barysynda áıelder estafetasynda olar 3000 metr qashyqtyqta baq synady. Nátıjesinde máre syzyǵyn úshinshi bolyp qıdy.
El quramasy sapynda Alına Ájǵalıeva, Zeınep Qumarhan, Anastasııa Astrahantseva, Gúldana Jalmuqan, Polına Omelchýk saıysqa tústi.
Alǵashqy eki oryndy Ońtústik Koreıa jáne Nıderland quramalary kóterildi.
Sondaı-aq, short-trekten jasóspirimder arasyndaǵy álem Kýbogy kezeńinde qazaqstandyq Dinmuhammedaldııar Tájibaı úshinshi oryn aldy. Ol 1000 metr qashyqtyqta úshinshi keldi.
Eske salsaq, budan buryn qazaqstandyq jas konkıshiler álem kýbogi kezeńin qos altynmen aıaqtady.
