«Іshinde bala da bolǵan»: Túzeý mekemesiniń qyzmetkeri órtenip jatqan úıden 6 adamdy alyp shyqty
Túzeý mekemesiniń qyzmetkeri 6 adamdy qutqaryp qaldy, dep habarlaıdy Kazinform.
ІІM baspasóz qyzmetiniń málimetinshe, ol órtenip jatqan úıden 6 adamdy alyp shyqqan.Olardyń arasynda kishkentaı bala da bar.
«1 qańtar kúni shamamen saǵat 13:21 -de SQO, Býlaevo aýyly, Tselınnaıa kóshesi 7 mekenjaıynda ornalasqan eki qabatty turǵyn úıden órt bolǵany týraly aqparat kelip tústi. Tekserý barysynda probatsııa aǵa leıtenanty Ǵalymjan Baıbýsın úı turǵyndaryna kómek kórsetip, tútin basqan úıden 6 adamdy alyp shyqty, onyń ishinde kishkentaı bala da bar. Sonymen birge ofıtser órtti oqshaýlaýǵa kómektesken», - delingen habarlamada.
Órt saldarynan páterdegi tereze sańylaýy zaqymdaldy. Órttiń jalpy aýdany 12 sharshy metrge jetken. Aldyn ala sebebi – stokerge jaqyn ornalasqan plastıkalyq terezeniń tutanýy.
