ShQO statsıonarlarynda 70-ten astam adam koronavırýstan emdelip jatyr

ÓSKEMEN. QazAqparat – Shyǵys Qazaqstan oblysynda koronavırýs juqtyrǵandar kúrt azaıdy, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde COVID-19 ınfektsııasyn juqtyrǵandar kún saıyn azaıyp keledi.

«Sońǵy táýlikte tek 1 adam qaýipti dertke shaldyqqan. Al 4 patsıent koronavırýstan tolyqtaı saýyǵyp shyqty. Qazirgi ýaqytta oblys boıynsha statsıonar jaǵdaıynda 72 naýqas em-dom qabyldap jatyr. Jalpy Shyǵys Qazaqstandaǵy statsıonarlarda tósek-oryn júktemesi – 4 paıyzdy quraıdy», - delingen aqparatta.

Esterińizge sala ketsek, osyǵan deıin elimizde ótken táýlikte 64 adamnan koronavırýs ınfektsııasynyń anyqtalǵany habarlandy.