ShQO polıtseıleri Qazaqstan halqynyń birligi kúnimen birneshe tilde quttyqtady
ShQO Polıtsııa departamentiniń qyzmetkerleri Qazaqstan halqynyń birligi kúnimen birneshe tilde quttyqtap beınejazba túsirdi. Osylaısha olar óńirde turatyn ár ultty nazardan tys qaldyrmady.
«Búgingi tańda Shyǵys Qazaqstanda 10-nan astam etnos ókilderi quqyq qorǵaý organynda qyzmet etýde. Elimizde Tótenshe jaǵdaıdyń engizilýine baılanysty qoǵamdaǵy tártipti qamtamasyz etip júrgen tergeýshiler, anyqtaýshylar, ýchaskelik jáne patrýldik polıtsııa ınspektorlary, jedel áreket etý jasaǵynyń jaýyngerleri beınequttyqtaý ázirledi. Shyn kóńilden shyqqan izgi lebizder ár túrli tilderde aıtyldy», - dep habarlady oblystyq PD baspasóz qyzmeti.
Polıtseılerdiń aıtýynsha, bul merekeniń maqsaty – óskeleń urpaqty toleranttylyqqa, dostyq pen syılastyqqa shaqyrý, sondaı-aq Qazaqstandaǵy ultaralyq kelisim men etnosaralyq qatynastardy nyǵaıtý.
«Osy tarıhı mańyzy bar aqjarma tilekter, shynaıy lebizder urpaqtan-urpaqqa jetse eken deımiz. Dostyq pen ultaralyq kelisimdi nyǵaıtý - Qazaqstan halyqtarynyń birliginiń kepili», - deıdi tártip saqshylary.
