ShQO ózenderinde jarylys jasalyp, 8400 sharshy metr aýmaqta muz usaqtaldy

ÓSKEMEN. QazAqparat – Shyǵys Qazaqstan oblysynda ózenderde muz jarý jumystary júrgizildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, sońǵy eki kúnde muz keptelisiniń aldyn alý sharasy Kúrshim aýdanynda júrgizildi.

Munda kóktem kezinde Kúrshim ózeni aýyldarǵa qaýip tóndiredi.

Ózendegi muz qalyńdyǵy 1 metrge deıin jetedi. Qutqarýshylar Maraldy men Boran aýyldaryndaǵy ózende jarylys jasady.

Sonyń nátıjesinde, 8400 sharshy metr aýmaqta muz usaqtaldy.

«Sý aıdyndaryndaǵy jarylys jumystarynyń arqasynda muz qabatynyń kólemi azaıyp qana qoımaı, onyń qurylymy da ózgeredi. ıAǵnı, muz synyp, erip, sýǵa aınalady. Bul protsess eldi mekenderdi sý tasqynynan qutqarýǵa septigin tıgizedi», – deıdi ShQO TJD bastyǵynyń mindetin ýaqytsha atqarýshy Arman Toqanov.

Eske salsaq, osyǵan deıin Shyǵys Qazaqstan oblysy Ulan aýdanyndaǵy aýyldy sý basyp jatqany týraly jalǵan aqparat taraǵany habarlanǵan.