ShQO-nyń qaı qala, aýdanynda koronavırýs juqtyrǵandar jıi tirkeldi
ShQO Densaýlyq saqtaý basqarmasy baspasóz qyzmetiniń málimetine súıensek, sońǵy táýlikte óńir boıynsha 36 adamnan koronavırýs anyqtalǵan. Onyń ishinde 34 naýqastan aýrý sımptomdary baıqaldy. Jalpy oblys statsıonarlarynda tósek-oryn qorynyń júktemesi – 10,6 paıyzdy qurap otyr.
«COVID-19 pandemııasy bastalǵaly beri Shyǵys Qazaqstanda 59 338 adam vırýs juqtyrdy. Onyń ishinde Óskemen qalasynda – 22 032 (jalpy sannyń 37 paıyzy), Semeıde – 19 663 (33%), Glýbokoe aýdanynda – 2884 (4,9%), Rıdderde – 2257 (3,8%), Altaı aýdanynda – 2042 (3,4%) patsıent tirkeldi. Al koronavırýsqa shaldyqqandar sany boıynsha eń tómengi orynda – Kúrshim (323 naýqas), Úrjar (205), Abaı (191) aýdandary tur», - delingen aqparatta.
Búginde Shyǵys Qazaqstan boıynsha PTR-synamalardy tekserýdi 19 zerthana júrgizedi. Osy ýaqytqa deıin oblys jurtshylyǵy sol zerthanalarda 1 393 763 ret synama tapsyrǵan. Onyń 4,3%-ynda koronavırýs tabyldy.
