ShQO ınnovatsııalyq belsendilik boıynsha respýblıkada kósh bastap tur
Ótken jyly respýblıkada bul kórsetkish 10,6 paıyzdy qurasa, ShQO-da 15,5 paıyzǵa jetken. Bul jaıly oblystyq Aqparat ortalyǵynda ótken brıfıng barysynda ShQO kásipkerlik jáne ındýstrııalyq-ınnovatsııalyq damý basqarmasynyń basshysy Erjan Shurmanov málim etti.
«Óńirdegi ınnovatsııalyq ónim kólemi 174 mlrd teńgeni qurap otyr. Elimizdegi ınnovatsııalyq kásiporyndardyń onnan bir bóligi Shyǵys Qazaqstanda ornalasqan. Aımaqtaǵy osyndaı 317 kásiporyn ónimderiniń teń jartysy eksportqa shyǵarylady», - deıdi ol.
Sońǵy úsh jyldyń kóleminde ǵylymı-zertteý jáne tájirıbelik-konstrýktorlyq jumystar boıynsha D Serikbaev atyndaǵy ShQMTÝ múlde jańa sıpattaǵy, tehnologııalyq serpilis ákeletin jobalardy júzege asyryp, básekege qabiletti ónimder shyǵarýdy qolǵa aldy. Nátıjesinde tıtan, tantal, nıobıı syndy basqa da metalldardan medıtsınalyq buıymdar jasaldy.
