ShQO-da úsik júredi - Qazgıdromet

ASTANA. KAZINFORM - Búgin kún jotasynyń basym bóliginde ótip bara jatqan antıtsıklon jotasynyń yqpalymen jaýyn-shashynsyz aýa-raıy saqtalady, dep habarlaıdy Qazgıdromet.

Batysta, soltústik-batysta jáne soltústikte soltústik tsıklonnyń jáne onymen baılanysty frontaldy bólikterdiń áserinen naızaǵaımen jańbyr jaýady.

Respýblıka boıynsha jel kúsheıip, eldiń ońtústiginde shańdy daýyl turady, respýblıkanyń ońtústiginde, shyǵysynda túngi jáne tańerteńgi saǵattarda tuman túsedi.

Túnde Shyǵys Qazaqstan oblysynyń soltústiginde, shyǵysynda 1 gradýs úsik kútiledi.

Batys Qazaqstan oblysynyń soltústiginde, Pavlodar oblysynyń shyǵysynda, Atyraý oblysynyń soltústik-shyǵysynda, Mańǵystaý oblysynyń ońtústik-shyǵysynda, Aqtóbe oblysynda órt qaýpi joǵary bolady dep kútilýde.

Túrkistan, Qyzylorda oblystarynda, Atyraý oblysynyń soltústiginde, ońtústiginde, shyǵysynda, Jambyl oblysynyń batysynda, soltústiginde, ortalyǵynda, Batys Qazaqstan oblysynyń batysynda, ońtústiginde, shyǵysynda, Aqtóbe oblysynyń batysynda, soltústiginde, soltústik-shyǵysynda, ortalyǵynda, Almaty oblysynyń soltústiginde, Qaraǵandy jáne Qostanaı oblystarynyń jáne Ulytaý oblysynyń ońtústiginde tótenshe órt qaýpi kútilýde.

Osyǵan deıin aýyl sharýashylyǵy mınıstrligi egin jınaýǵa qolaısyz aýa raıy bolatyny týraly aıtty.