ShQO-daǵy kóne saq qorymdarynda arheologııalyq qazba jumystary bıyl da jalǵasady
ShQO ákimdiginiń málimetine súıensek, óńirdegi arheologııalyq qazba jumystary týraly «Qazaqstan tarıhy» atty úsh tomdyq kitap jaryqqa shyǵady. Kitapty daıyndaý barysynda jergilikti arheologtar Reseı, Ózbekstan jáne Túrkııa muraǵattarynda orasan zor jumys atqardy. Búgingi tańda qosymsha túpnusqa aqparattar bar 15 000 bet jınaldy.
«Qazaqstan tarıhy» kitaby osy jyldyń sońyna qaraı birden úsh tilde shyǵady dep kózdelip otyr. Arheologtar Zaınolla Samashev pen Ábdesh Tóleýbaev Aqbaýyr, Shilikti alqaptarynda jáne «Eleke sazy» jazyǵyndaǵy qorǵandarda qazba jumystaryn bıyl da jalǵastyrady. Ǵalymdarymyz jaýynger-mýzykant jerlengen beıitterdiń birin qaıta qalpyna keltirdi. Kóne úsh aspap saqtalǵan. Endi dál sondaı aspaptardy qaıta jasap shyǵaryp, halyq aspaptar orkestrine qosý qajet», - deıdi aımaq basshysy Danıal Ahmetov.
Arheologııalyq zertteýlerge óńir stýdentteri de atsalysyp jatyr. Olar qorǵandarda geodezııalyq jumystar júrgizýde.
Esterińizge sala ketsek, osyǵan deıin Shyǵys Qazaqstanda 232 myńǵa jýyq adamnyń zeınetaqysy óskenin habarlaǵan edik.
