ShQO-daǵy Kókpekti aýdanyna jańa ákim taǵaıyndaldy

SEMEI. QazAqparat –Shyǵys Qazaqstan oblysynyń ákimi Danıal Ahmetovtiń ókimimen Radjan Seıtqanov Kókpekti aýdanynyń ákimi bolyp taǵaıyndaldy. Ol buǵan deıin Glýbokoe aýdany ákiminiń orynbasary qyzmetin atqarǵan, dep habarlaıdy QazAqparat tilshisi.

Radjan Qaıyrqanuly Shyǵys Qazaqstan oblysy Katonqaraǵaı aýdany Katonqaraǵaı aýylynda dúnıege kelgen. 2008 jyly Almaty energetıka jáne baılanys ınstıtýtyn ınjener mamandyǵy boıynsha bitirgen. 2015 jyly Almaty ekonomıka jáne statıstıka akademııasyn támámdap, ekonomıka jáne bıznes bakalavry atandy.

Eńbek jolyn 2009 jyly «ShQ AEK» AQ jabdyqtardy jóndeý jónindegi elektr slesari bolyp bastaǵan. Rıdder qalasy ákimdiginiń «Infroservıs» MKK bas ınjeneri bolyp jumys istedi.

2012 jyly Semeı qalasyndaǵy «Bastaý-Semeı» JShS bas energetıgi, Glýbokoe aýdanynyń qurylys, sáýlet jáne qala qurylysy bóliminiń mamany bolyp eńbek etken. Glýbokoe aýdany ákimdiginiń «Teploenergııa» MKK dırektorynyń mindetin atqardy.

2014-2015 jyldary Katonqaraǵaı aýdanynyń mádenıet jáne tilderdi damytý bóliminiń ınspektory, jetekshi mamany, basshysy laýazymdarynda boldy.

Sonymen qatar Katonqaraǵaı aýdany ishki saıasat, mádenıet jáne tilderdi damytý bólimi basshysynyń orynbasary, Katonqaraǵaı aýdany Katonqaraǵaı aýyldyq okrýgi ákiminiń orynbasary, Glýbokoe aýdany Glýbokoe kentiniń ákimi qyzmetin atqarǵan.

Osy kúnge deıin Glýbokoe aýdany ákiminiń orynbasary bolyp jumys istedi.