ShQO-daǵy kásiporynda eńbek ujymynyń 70 paıyzy vaktsına alǵan
Jarma aýdanynda ornalasqan Baqyrshyq taý-ken óndirý kásipornynda Covid-19 ınfektsııasyna qarsy vaktsına alǵan jumysshylar sany kún ótken saıyn artyp keledi.
«Azamattar vaktsınatsııanyń qaýipti dertten qorǵanýǵa jáne qalypty ómirge oralýǵa úlken múmkindik syılaıtynyn túsindi. Kásiporynda jumys negizinen vahtalyq ádispen júrgiziledi. Pandemııa bastalǵaly beri munda qatań saqtyq sharalary bekitilgen. Merdigerler, eńbek demalysynan jáne vahtalyq demalys kúnderinen oralǵan qyzmetkerler PTR-testileýden ótedi», - deıdi personalmen jumys jónindegi dırektordyń mindetin atqarýshy Madına Dúısenova.
Elimizde indetke qarsy vaktsına qoljetimdi bolǵan sátten bastap kásiporynda qyzmetkerlerdiń jappaı vaktsınatsııalaýyna bar jaǵdaı jasaldy.
Ekpeni mekemeniń feldsherlik-akýsherlik pýnktinde, turǵylyqty mekenjaıy boıynsha emhanada nemese Jarma aýdany Áýezov kentindegi medıtsınalyq mekemede alýǵa bolady.
«Qyzmetkerlerimizdiń kóbisi Áýezov kentinde turady. Sondyqtan kompanııa aýyldyq dárigerlik ambýlatorııany vaktsınamen qamtamasyz etýge kúsh saldy. Preparattar vaktsınatsııalaý pýnktine 2021 jyldyń naýryzynan bastap úzdiksiz kelip túsýde. Bul - «Sputnik V» jáne Birikken Arab Ámirlikteri shyǵarǵan Hayat-Vax vaktsınalary», - dedi Madına Dúısenova.
