ShQO-daǵy birqatar qala-aýdanda aýyzsý normaǵa sáıkes kelmegen

ÓSKEMEN. KAZINFORM – Shyǵys Qazaqstan oblysyndaǵy birqatar qala-aýdanda aýyzsý normaǵa sáıkes kelmegen.

ShQO sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, mamandar óńirdegi qala-aýdandarda aýyzsý synamalaryn alyp, mıkrobıologııalyq jáne basqa da kórsetkishterge zertteý júrgizdi.

Birinshi jartyjyldyqta 1181 aýyz sý synamasy zerttelgen. Onyń 41-i, ıaǵnı 3,5 paıyzy gıgıenalyq talaptarǵa saı kelmeı shyqty.

«Mıkrobıologııalyq kórsetkishter boıynsha gıgıenalyq normalardyń saqtalmaýy Óskemen qalasynda jáne Altaı, Glýbokoe, Kúrshim, Zaısan aýdandarynda tirkeldi. Al sanıtarlyq-hımııalyq kórsetkishter boıynsha 1390 synama zertteldi. Onyń ishindegi 34 synamada, ıaǵnı 2,4 paıyzda sáıkessizdik anyqtaldy. Bul synamalar Kúrshim jáne Shemonaıha aýdandarynda alynǵan. Qazirgi ýaqytta halyqty aýyzsýmen qamtamasyz etetin mekemeler tıisti profılaktıkalyq sharalardy qabyldady», - delingen aqparatta.