ShQO-daǵy aýdandardyń biri qashyqtan oqytý formatyna aýystyryldy

ASTANA. KAZINFORM — Shyǵys Qazaqstan oblysy Kúrshim aýdanyndaǵy mektep oqýshylary ýaqytsha qashyqtan oqıdy, dep habarlaıdy Kazinform tilshisi.

Buǵan jel ekpiniń 35 metrge deıin kúsheıýi sebep.

Kúrshim aýdany bilim bóliminiń málimetinshe, búgin 1–11 synyptardyń sabaqtary myna bilim berý mekemelerinde onlaın ótedi: Qaratoǵaı orta mektebi, Aqshıı bastaýysh mektebi–balabaqshasy, Qoıtas jalpy bilim beretin mektebi, Alǵabas orta mektebi, Qystaý–Kúrshim jalpy bilim beretin mektebi, Aqsýat jalpy bilim beretin mektebi, Jolnusqaý jalpy bilim beretin mektebi jáne Monýqoı jalpy bilim beretin mektebi.

Aýdanda aýa raıy turaqtanǵannan keıin oqý qalypty rejımge qaıta kóshetini aıtyldy.

Budan buryn pavlodarlyq oqýshylar qashyqtan oqıtyny habarlanǵan edi.