ShQO-da jyl basynan beri 59 adam qyzylsha juqtyrdy

ÓSKEMEN. KAZINFORM – Shyǵys Qazaqstan oblysynda qyzylsha juqtyrǵandar sany artyp keledi.

ShQO sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, óńir boıynsha qańtar aıynyń basynan 59 adam qyzylsha juqtyrdy.

Onyń ishindegi 32-si eresek, 25-i 14 jasqa deıingi bala, 2-si jasóspirim.

«Syrqattanǵandardyń 30,5 paıyzy ekpe almaǵan jáne vaktsınatsııa týraly málimeti joq adamdar. QR Bas memlekettik sanıtarlyq dárigeriniń № 7 qaýlysyna sáıkes, ótken jyldyń 6 qarashasynan qyzylshaǵa, qyzamyqqa jáne parotıtke qarsy vaktsınatsııa júrip jatyr. Jalpy oblysta 6 aıdan 11 aıǵa deıingi 6960 bala ekpe alýǵa jatady. Osy kúnge deıin olardyń 44% paıyzyna ekpe salyndy» delingen aqparatta.

Al 2-4 jastaǵy ekpe alýǵa jatatyn bala sany — 24 700.

Búginde olardyń 73,4% paıyzy vaktsına saldyrǵan.