ShQO-da jer úıde bolǵan órtten eki áıel qutqaryldy
«Vedomstvoǵa 31 jeltoqsanda saǵat 08:04-te Shemonaıha qalasynda Kazahstanskaıa kóshesindegi jer úı aýmaǵynda órt shyqqany týraly habarlandy. Órt sóndirý bólimshesi kelgen kezde úı shatyrynyń aǵash bólikteri men dálizder, jıhaz janyp jatqan», - dedi departamenttiń baspasóz qyzmeti.
Órt sóndirýshilerdiń bir toby órtti sóndirýge kirisken kezde, ekinshi top tereze arqyly janyp jatqan turǵyn úıge kirip, eki áıeldi qutqarǵan.
«Órt sóndirýshiler 1939 jáne 1968 jyldary týǵan úı ıelerin jedel járdem dárigerlerine tapsyrdy. 28-ÓSB qaraýyl bastyǵy Rýstam Şerbının ottan 25 lıtrlik 1 gaz ballonyn shyǵardy», - dep túsindirdi ShQO TJD-da.
72 sharshy metr aýmaqqa taralǵan jalyn tolyǵymen sóndirildi. Mamandar órttiń sebebi retinde jylytý peshin ornatý jáne paıdalaný kezinde órt qaýipsizdigi talaptarynyń saqtalmaýy nusqasyn qarastyrýda.
Avtor: Rýslan Shaqabaev