ShQO-da jaz kezinde 100-den astam balabaqsha jumys isteıdi
ShQO Bilim basqarmasynyń málimetine súıensek, óńirde balabaqshalardyń basym bóligi jaz kezinde jumysyn jalǵastyrady. Birneshe jyldan beri jumys isteıtin ata-analar osy ýaqytta balasyn qaıda jibererin bilmeı qınalatyn edi.
Bıyl oblysta maýsym-tamyz aılary aralyǵynda 100-den astam balabaqsha jumys isteıdi. Qazir mektepke deıingi mekemelerde kezekshi toptar qurylyp jatyr. Olar ata-anasy jumys isteıtin balalardy qabyldaıdy.
«Maýsym aıynda 17829 balany qabyldaıtyn 169 balabaqsha, shildede 12944 orynǵa eseptelgen 122 balabaqsha, tamyz aıynda 12321 balaǵa arnalǵan 114 balabaqsha jumys isteıdi», - deıdi basqarma basshysynyń orynbasary Dınara Shaýhına.
Aıta keteıik, Shyǵys Qazaqstan oblysynda búginde barlyǵy 203 balabaqsha men 190 shaǵyn ortalyq bar. 3 pen 6 jas aralyǵyndaǵy balalar mektepke deıingi tárbıemen tolyqtaı qamtylǵan.
