ShQO-da jas sarbazdar alǵash ret saılaýda daýys berdi
Ulttyq ulan «Shyǵys» óńirlik qolbasshylyǵy áskerı bólimderiniń barlyq jeke quramy tańerteń saılaýda daýys berdi. Óz tańdaýyn birinshi bolyp óńirlik qolbasshylyqtyń qolbasshysy, general-maıor Rústem Aqbalın jáne jedel maqsattaǵy 2 rotanyń merzimdi qyzmet sarbazy, qatardaǵy jaýynger Sultan Asaýbaev jasady. Ol Oral qalasynan shaqyrylǵan.
«18-19-jastaǵy sarbazdar alǵash ret saılaýda daýys berdi. «Shyǵys» óńirlik qolbasshylyǵy boıynsha barlyǵy 6 daýys berý ýchaskesi jumys isteıdi. Oǵan merzimdi qyzmettiń áskerı qyzmetshileri ǵana emes, ofıtserler men serjanttar da qatysady», - deıdi Ulttyq ulan «Shyǵys» óńirlik qolbasshylyǵy baspasóz qyzmetiniń bastyǵy Baǵdat Amangeldi.
Onyń aıtýynsha, osydan eki kún buryn Óskemen qalasynyń 5518 áskerı bólimine jańadan jas sarbazdar keldi. Olarǵa áskerı bólimniń aýmaǵyndaǵy saılaý ýchaskesinde daýys berýge qatysý quqyǵy berildi.
