ShQO-da jańadan qurylǵan Marqakól aýdanyna ákim taǵaıyndaldy
ÓSKEMEN. KAZINFORM — Shyǵys Qazaqstan oblysynda Kúrshim aýdanynan bólinip shyqqan Marqakól aýdanynyń ákimi bolyp Rústembek Kemeshev taǵaıyndaldy.
Búgin Shyǵys Qazaqstan oblysynyń ákimi Ermek Kósherbaev Marqakól aýdanyna jumys sapary barysynda jańa ákimdi turǵyndarǵa tanystyrdy.
Aýdan ákimi bolyp Rústembek Kemeshev taǵaıyndaldy. Buǵan deıin Marqakól aýyldyq okrýginiń ákimi qyzmetin atqarǵan.
«Rústembek Kemeshev 2019 jyldan bastap Marqakól aýylynda jumys isteıdi. 2020 jyldan bastap aýyldyq okrýg ákiminiń mindetin atqarǵan. Sondyqtan jańadan qurylǵan aýdannyń jaǵdaıyn biledi, keleshegi men osal tustaryn túsinip, eń bastysy Marqakóldiń tynys-tirshiligin jaqsy jaqqa ózgertip, eńbek etýge daıyn», — dedi oblys ákimi.
Rústembek Nábıoldınuly Shyǵys Qazaqstan oblysy Marqakól aýdany Gornyı aýylynyń týmasy.
1996 jyly Terekti mádenıet úıinde uıymdastyrýshy laýazymynan bastaǵan.
1999-2003 jyldary № 2 Terekti orta mektebiniń án jáne mýzyka pániniń muǵalimi boldy.
2019 jylǵa deıin Marqakól balalar saz mektebiniń dırektory laýazymyn atqarǵan.
2019 jyldan osy ýaqytqa deıin Kúrshim aýdany Marqakól aýyldyq okrýginiń ákimi boldy.
