ShQO-da jabdyqtalǵan 6 jaǵajaıda shomylýǵa ruqsat berildi
ShQO tótenshe jaǵdaılar departamenti baspasóz qyzmetiniń málimetine súıensek, óńirde 2 myńnan astam sý qoımasy bar.
Alaıda bul oryndardyń barlyǵy birdeı shomylýǵa kelmeıdi.
Jyl basynan beri ózen-kólderde 3 adam batyp ketti, onyń ishinde 1 bala bar.
Oblystyq TJD azamattyq qorǵanys basqarmasy bastyǵynyń orynbasary Dáýren Aǵajaevtyń aıtýynsha, kóp jaǵdaıda adamdardyń sýǵa ketýine jabdyqtalmaǵan jerlerde shomylý, júze almaý, óz kúshterin asyra baǵalaý, balalardy qaraýsyz qaldyrý jáne mas kúıde shomylý sebep bolyp jatady.
«Búgingi tańda qalalar men aýdandardyń ákimdikteri jappaı demalys oryndaryn bekitý boıynsha jumystar júrgizýde. Oblys aýmaǵynda jabdyqtalǵan 6 jaǵajaı bar. Atap aıtqanda, Óskemen qalasynda – 2, Altaı aýdanynda – 2, Ulan aýdanynda – 1, Úrjar aýdanynda – 1», - dedi ol.
Sondaı-aq ákimdiktermen birlesip qaýipsizdik belgilerin ornatý boıynsha jumys júrgizilgen.
Osy ýaqytqa deıin shomylýǵa tyıym salynǵan oryndarda 157 belgi qoıyldy.
