ShQO-da Úlbi ózeni kóterilip, joldy sý shaıyp jatyr

ÓSKEMEN. KAZINFORM – Shyǵys Qazaqstan oblysy Glýbokoe aýdanynda Úlbi ózeni kóterilip, joldy sý shaıyp jatyr.

Glýbokoe aýdanyndaǵy Úlbi ózeniniń sý deńgeıi kóterilip, Stepnoe aýylynyń arǵy jaǵynda ornalasqan karer jaǵasyn jáne tehnologııalyq joldy sý jaıyp jatyr. 

«Joldy sý alǵanymen, jergilikti turǵyn úıler aýlalarǵa qaýip tónip turǵan joq. Sondaı-aq bul jol arqyly eldi mekenderge kólik qatynamaıtyn. Sý jaǵasy men shaıylǵan jol bóligi sý tasqyny kezeńi aıaqtalǵannan keıin qaıta qalypqa keltiriledi», - dep habarlady ShQO ákimdiginiń baspasóz qyzmetinen. 

Sondaı-aq Altaı aýdany Polıanskoe aýyldyq okrýginde Tavoljanka ózeniniń sýy kóterilip, Dorodnıtsa aýylyna aparatyn joldyń betine shyqqan. Atalmysh aýyl joǵary jerde ornalasqandyqtan eldi mekenge qaýip joq. Jol arqyly kólik qozǵalysyna shekteý qoıylmady. 

«Eki jaǵdaı boıynsha da táýlik boıy mamandar baqylaý júrgizýde. Qazirgi ýaqytta arnaıy tehnıka jáne mamandar ázirlengen», - delingen aqparatta.