ShQO-da túrmelerge 40 lıtrden astam alkogol men 70 telefonnyń kirgizilýine jol berilmedi

ÓSKEMEN. QazAqparat – Shyǵys Qazaqstan oblysyndaǵy túrmelerge 40 lıtrden astam alkogoldiń jáne 70 telefonnyń kirgizilýine jol berilmedi, dep habarlaıdy QazAqparat tilshisi.

ShQO boıynsha qylmystyq atqarý júıesi departamenti baspasóz qyzmetiniń málimetine súıensek, Óskemendegi №16 túzetý mekemesiniń qyzmetkerleri tyıym salynǵan zattardy túrme aýmaǵyna laqtyrmaq bolǵan er adamdy baıqaǵan.

«38 jastaǵy qala turǵyny alkogoldi ishimdikti, tropıkamıd preparaty men taǵamdyq kóknárdy túrme syrtyndaǵy qorshaýdan ishke qaraı laqtyrýǵa árekettengen. Alaıda, buǵan jol berilmedi. Er adam «sálemdemeni» skotchpen myqtap orap tastaǵan. Alkogoldi jarty lıtrlik bótelkelerge quıǵan», - delingen aqparatta.

Tyıym salynǵan zattar tárkilenip, saraptamaǵa jiberildi.

Vedomstvo dereginshe, jyl basynan beri Shyǵys Qazaqstan oblysy túrmelerine 40 lıtrden astam alkogoldik ishimdiktiń, 1,25 gramm esirtki men 70-ke jýyq uıaly telefonnyń kirgizilýine jol berilmedi.

Eske salsaq, osyǵan deıin Óskemen qalasyndaǵy túrmede otyrǵan jazasyn óteýshi quqyq qorǵaý organy qyzmetkerlerine qarý-jaraq tyǵylǵan oryn týraly aqparat bergeni habarlanǵan.