ShQO-da taýda jarylys jasalyp, 40 myń tekshe metr qar túsirildi

ÓSKEMEN. QazAqparat – Shyǵys Qazaqstan oblysynda taýda jarylys jasalyp, 40500 tekshe metr qar túsirildi, dep habarlaıdy QazAqparat tilshisi.

ShQO nótenshe jaǵdaılar departamenti baspasóz qyzmetiniń málimetine súıensek, búgin «Óskemen-Taýly Úlbi-Severnoe» tasjolynyń ýchaskesinde jasandy jolmen qar kóshkini túsirildi.

Taýda jasalǵan jarylystan barlyǵy 40 500 tekshe metr qar tústi.

«Oblys boıynsha barlyǵy 325 ýchaskede qar kóshkini júrý qaýpi bar. Olar 71 nysanǵa, onyń ishinde 44 turǵyn úıge jáne 93 shaqyrym kólik jolyna qaýip tóndiredi. Kóshkin basyp qalý qaýpi artqan ýchaskelerdi anyqtaý úshin bizdiń baqylaýshylar turaqty túrde monıtorıng júrgizýde», - deıdi «Qazseldenqorǵaý» ShQ fılıalynyń basshysy Omar Dúzgimbaev.

Aıta keteıik, qys bastalǵaly beri óńir boıynsha jasandy jolmen barlyǵy 80000 tekshe metr qar túsirilgen.

Foto: gov.kz