ShQO-da tasymaldaýshy kompanııalarǵa 900 mln teńge sýbsıdııa tólenbeı qalǵan
Shyǵys Qazaqstan oblysynda áleýmettik mańyzy bar avtobýs marshrýttarynda tasymaldaý boıynsha 900 mln teńge sýbsıdııa tólemeý faktisi anyqtaldy, dep habarlaıdy Kazinform.
Óskemen qalalyq turǵyn úı-kommýnaldyq sharýashylyǵy bólimi áleýmettik mańyzy bar avtobýs marshrýttaryn júzege asyratyn tasymaldaýshylarǵa sýbsıdııa tólemegen.
Al tasymaldaýshylardyń shyǵynyn sýbsıdııalaýǵa arnalǵan shartqa sáıkes, olarǵa 900 mln teńgeden astam qarajat tólenýi tıis edi.
«Tasymaldaýdyń kórsetilgen túrine barlyǵy 8 kompanııamen shart jasalǵan. Atalǵan fakti boıynsha Óskemen qalasynyń prokýratýrasy zań buzýshylyqty joıý týraly usynys engizip, nátıjesinde tasymaldaýshylarǵa 700 mln teńgeden astam sýbsıdııa tólendi. Qalǵan qaryz somasyn óteý jalǵasýda jáne qala prokýratýrasynyń baqylaýynda», - dep habarlady ShQO prokýratýrasynyń baspasóz qyzmeti.
Aıta keteıik, óńirde kásipkerler men ınvestorlardyń quqyqtaryn qorǵaý jónindegi mobıldi toptar jumys isteıdi.
Bıznes ókilderi men azamattar quqyqtyq keńes alý úshin jáne qandaı da bir týyndaǵan máseleler boıynsha osy mobıldi toptarǵa habarlasa alady.
Baılanys nómiri: 8-705-418-05-21.
