ShQO-da tabylǵan erte temir dáýirine jatatyn qonysta zertteý jumystary jalǵasýda
El Táýelsizdiginiń 30 jyldyǵyna oraı belgili arheolog Zeınolla Samashevtyń jetekshiligimen óńirde arheologııalyq zertteý jumystary júrgizilýde. Kúrshim aýdanyndaǵy Aqbulaq aýyldyq okrýgi Teriskeı Bókenbaı aýylyna qarasty Dýanalydan erte temir dáýiriniń qonysy tabylyp, sonda zertteý jumystary jalǵasyn tabýda.
«Bul «Qola dáýirinen erte orta ǵasyrǵa deıingi Altaı-Tarbaǵataı» taqyrybyndaǵy Shyǵys Qazaqstan oblysynyń 2019-2021jyldarǵa arnalǵan arheologııa salasyndaǵy ǵylymı zertteý jumysy aıasynda qolǵa alynǵan. Kúrshim men Marqa óńirin zertteıtin 17 adamnan quralǵan shaǵyn toptyń jetekshisi – tarıh ǵylymdarynyń kandıdaty Ǵanı Omarov. Atalǵan topta ál-Farabı atyndaǵy QazMÝ-dyń eki muǵalimi men bolashaq arheolog bolamyn degen bir top stýdentter bar», - dedi Kúrshim aýdany ishki saıasat, mádenıet, tilderdi damytý jáne sport bóliminiń bas mamany Armen Karapetıan.
Onyń aıtýynsha, karantındik shekteýlerge baılanysty bıyl stýdentterdiń sany birshama azaıǵan. Kúrshim aýdanynda júrgizilgen ǵylymı-zertteý jumystarynyń nátıjesinde osy ýaqytqa deıin ǵylymǵa belgisiz bolyp kelgen arheologııalyq eskertkishter ashylýda.
