ShQO-da sý aıdyndaryn monıtorıngileý kúsheıdi
ÓSKEMEN. KAZINFORM — Shomylý maýsymy qyzǵan tusta Shyǵys Qazaqstannyń kóptegen sý aıdyndarynda patrýldeý kúsheıtildi. Bul týraly TJM baspasóz qyzmeti málim etti.
Sonymen qatar, QR TJM Apattar medıtsınasy ortalyǵynyń qutqarýshylary men dárigerleri demalýshylarǵa jaǵajaılarda sýda júris-turys erejelerin úıretý boıynsha sheberlik sabaqtaryn ótkizedi.
Patrýldeýge ushqyshsyz ushý apparattary jumyldyrylǵan. Jaǵalaý aımaqtary men jaǵajaılardy aralaý úshin qutqarýshylardan basqa QR TJM ekinshi qutqarý batalonynyń áskerı qyzmetshileri men eriktiler jumyldyryldy.
QR TJM mamandary árbir demalýshy qaperinde ustaýy tıis jaǵdaılardy eskertti:
Júzý úshin tek jabdyqtalǵan jaǵajaılardy tańdaý kerek;
Júzý shekaralaryn belgileıtin qaltqylardyń artynda júzbeý kerek;
Balalardy sýdyń janynda jalǵyz qaldyrýǵa bolmaıdy.
Tótenshe jaǵdaı bola qalsa 112 nómirine habarlasý kerek.
Eske sala keteıik, Atyraý óńirinde jyl basynan beri 8 adam sýǵa batyp ketken.
Al Batys Qazaqstanda sýǵa batyp ketkender sany 20-ǵa jetti.