ShQO-da shomylýǵa bolatyn 14 ýchaske belgilendi
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar shomylý maýsymynyń taıap qalýyna baılanysty tabıǵı jáne jasandy sý qoımalarynyń túbin tekserip, tıisti daıyndyq jumystaryn bastap ketti.
«Oblys ákimdiginiń qaýlysyna sáıkes, óńir aýmaǵynda shomylýǵa bolatyn 14 ýchaske belgilendi. Onyń ekeýi Óskemende ornalasqan. Atap aıtqanda, Sol jaǵalaý kesheni men Oktıabr kentiniń janyndaǵy Samal jaǵajaıy. Osy jyly departamentke atalǵan jaǵajaılardyń sý túbine tekserý júrgizýge ótinish tústi. Bul jumystar 27 mamyrǵa deıin sozylady», - deıdi departament basshysynyń orynbasary Serik Amangeldın.
Sondaı-aq, jazda demalys oryndaryndaǵy qaýipsizdikti kúsheıtý úshin erikti qutqarýshylardy oqytý júrgiziledi.
Shyǵys Qazaqstandaǵy sý aıdyndarynyń 78 ýchaskesi demalýshylardyń sýǵa túsýine jaramsyz dep tanylǵan. Sol jerlerde shomylǵan azamattar ákimshilik jaýapkershilikke tartylady.