ShQO-da saq qorymynan tabylǵan jádigerler Ulybrıtanııaǵa jóneltildi

ÓSKEMEN. QazAqparat – Shyǵys Qazaqstan oblysynda saq qorymdarynan tabylǵan jádigerler Ulybrıtanııadaǵy mýzeıge jóneltildi, dep habarlaıdy QazAqparat tilshisi.

27 qyrkúıek kúni Kembrıdj mýzeıinde «Uly dala altyny» kórmesi ashylady.

Búginde eksponattardyń basym bóligi Ulybrıtanııaǵa jóneltildi.

Mamandar Qazaqstannyń shyǵysyndaǵy qorǵandardan tabylǵan artefaktilerdi jaıǵastyrýmen aınalysyp jatyr.⠀

«Kórmeniń ashylatyny týraly aqparat Ulybrıtanııanyń barlyq ataqty basylymdaryna jarııalanǵan. Ekspozıtsııa aǵylshyn jurtshylyǵyn qatty qyzyqtyratynyna jáne olardy tań qaldyratynymyzǵa senimdimin. Altyn artefaktilerden bólek, kórme qonaqtaryna kádesyılar daıyndadyq. Tarıhymyzdy jaqynyraq tanýlary úshin bizdiń ártister kórmede qazaq dalasynyń, baba dástúrimizdiń ereksheligin kórsetetin stıldi folklorlyq mýzyka oryndaıdy», - dedi ShQO ákimi Danıal Ahmetov.⠀

Onyń aıtýynsha, bul ekspozıtsııa ejelgi Qazaqstan tarıhynyń jańa betterin ashady.

Asqan sheberlikpen jasalǵan zergerlik buıymdar men eksponattardyń osy kúnge deıin búlinbeı saqtalýy talǵampaz kórermenderdi tań qaldyrary anyq.