ShQO-da polıtseıler demalys bazalaryna aparatyn tasjoldardy dron arqyly baqylaıdy
ShQO polıtsııa departamenti baspasóz qyzmetiniń málimetine súıensek, byltyr respýblıkalyq mańyzy bar «Óskemen-Altaı-Katonqaraǵaı-Rahman qaınarlary» jolyn dron patrýldegen. Bıyl da osy ádis jalǵasyn tabady. Dron óńirdegi demalys bazalaryna aparatyn joldarǵa jumyldyrylmaq.
«Jaz kezinde halyqtyń demalys oryndaryna jappaı barýyna baılanysty tasjoldardaǵy kólik aǵynynyń qarqyny aıtarlyqtaı artty. Jol-kólik oqıǵalarynyń aldyn alý maqsatynda departament ushqyshsyz ushý apparattary arqyly jasyryn patrýldeý jumystaryn júrgizýde», - delingen aqparatta.
Vedomstvo dereginshe, dron jol qozǵalysy erejelerin óreskel buzýshylardy anyqtaıdy. Atap aıtqanda, qarsy jolaqqa shyǵý, jyldamdyqty arttyrý.
Eske salsaq, osyǵan deıin Óskemende jol apatynan 4 polıtseı zardap shekkenin habarlaǵan edik.
