ShQO-da ózen-kól jaǵalaýynda ishimdik iship, mas bolǵan 440 adamǵa aıyppul salyndy

ÓSKEMEN. QazAqparat – Shyǵys Qazaqstan oblysynyń qutqarýshylary jaz shyqqaly beri ózen-kól jaǵalaýlaryna 3600-den astam reıd júrgizdi. Sonyń nátıjesinde 700-den astam adam jaýapqa tartylǵan, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylar men kóliktik baqylaý ınspektsııasynyń ókilderi birlesip shaǵyn kemelerde qaýipsizdik sharalarynyń saqtalýy boıynsha reıd ótkizdi.

Nátıjesinde, sý mototsıklderin tizgindegen kezde ereje saqtamaǵan 6 adam ákimshilik jaýapkershilikke tartyldy.

Maýsym aıynan bastap QR ÁQBtK-niń 582-baby 2-bóligi boıynsha 29 hattama toltyrylǵan.

«Departament qyzmetkerleri bıylǵy jazda 3600-den astam ret patrýldeýge jáne reıdke shyqty. Ondaǵy maqsat – sýdaǵy jazataıym oqıǵalardyń aldyn alý. Polıtsııa qyzmetkerlerimen birlesip reıd júrgizý kezinde 700-den astam adam ákimshilik jaýapkershilikke tartylǵan», - delingen aqparatta.

Onyń ishinde QR ÁQBtK-niń 364-baby (ortaq sý paıdalaný erejelerin buzý) - 221 adam, 440-baby (alkogoldik ishimdik ishý nemese qoǵamdyq oryndarda mas bolý) - 531 azamat, 582-baby (keme paıdalaný erejelerin buzý) boıynsha - 17 adam jazalandy.

Foto: wallhere.com