ShQO-da órt qaýipsizdigi erejelerin buzýdyń 2 myńnan asa faktisi tirkeldi

ÓSKEMEN. KAZINFORM — Shyǵys Qazaqstan oblysyndaǵy júzdegen nysanda órt qaýipsizdigi erejeleriniń saqtalmaǵany anyqtaldy.

өрт қауіпсіздігі айлығы
Фото: ҚР ТЖМ

Olardyń qatarynda mektepter, saýda ortalyqtary men áleýmettik mekemeler bar. ShQO TJD málimetinshe, tekserilgen árbir ekinshi nysanda adam ómirine qaýip tóndiretin olqylyqtar anyqtalǵan.

— Óńirde baqylaýǵa alynǵan barlyǵy 17 myńnan astam nysan bar. Sonyń ishindegi shamamen eki myńy — joǵary órt qaýpin tóndiretinder qataryna jatady. Mundaı ǵımarattarda tipti bolmashy aqaýdyń ózi qaıǵyly jaǵdaıǵa ákelip soǵýy múmkin. Osy jyldyń basynan beri 354 nysan tekserilip, 2 179 buzýshylyq anyqtaldy. Árqaısysyna tıisti nusqama berildi. Evakýatsııalyq shyǵý joldarynyń jabyq bolýy, órt sóndirgishterdiń joqtyǵy, tútin shyǵarý júıesiniń isten shyǵýy syndy kemshilikter bar, — delingen aqparatta.

2023 jyldan beri barlyq tekserý profılaktıkalyq baqylaý túrinde júrgiziledi. Bul ınspektorlardyń jazalaý úshin emes, tótenshe jaǵdaıdyń aldyn alý maqsatynda keletinin bildiredi.

Tekserýshiler qaǵaz júzindegi eseptermen shektelmeı, órt sóndirý júıesiniń jumysyn, evakýatsııa joldarynyń ashyq bolýyn, qyzmetkerlerdiń daıyndyq deńgeıin, elektr jelileriniń qaýipsizdigin qadaǵalaıdy.

Eske salsaq, osyǵan deıin ShQO-da Rıdderge aparatyn jańa jol qurylysy sol kúıi bastalmaǵany jaıly jazǵanbyz. 

Сейчас читают