ShQO-da naýqastardyń azaıýyna baılanysty koronavırýs statsıonarlary jabylady

ÓSKEMEN. QazAqparat – Shyǵys Qazaqstan oblysynda naýqastardyń azaıýyna baılanysty keıbir koronavırýs statsıonarlary jabylmaq, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde COVID-19 ınfektsııasyn juqtyryp, statsıonarlarda emdelip jatqan naýqastar kún saıyn azaıyp keledi.

«Sońǵy táýlikte 1 adam qaýipti dertke shaldyqqan. Al 12 patsıent koronavırýstan tolyqtaı saýyǵyp shyqty. Qazirgi ýaqytta oblys boıynsha statsıonar jaǵdaıynda 63 naýqas em-dom qabyldap jatyr. Jalpy Shyǵys Qazaqstanda 31 statsıonar jumys istep tur. Biraq epıdemıologııalyq jaǵdaı turaqtanyp, naýqastardyń azaıýyna baılanysty keıbir statsıonarlar jabylady dep kútilýde», - delingen aqparatta.

Esterińizge sala ketsek, osyǵan deıin elimizde ótken táýlikte 54 adamnan koronavırýs ınfektsııasynyń anyqtalǵany habarlandy.