ShQO-da mektep-balabaqshalardyń 80 paıyzy memlekettik attestatsııadan óte almady
ShQO bilim salasynda sapany qamtamasyz etý departamentiniń málimetine súıensek, jyl basynan beri 167 bilim mekemesi tekserilgen.
Mamandar sonyń tek 16-synan ǵana zańbuzýshylyq anyqtaǵan joq.
Belgili bolǵandaı, mektepterdiń kópshiligi tehnıkalyq turǵyda jabdyqtalmaǵan, fızıka, hımııa kabınetteri talapqa sáıkes kelmeıdi.
Keı bilim ordalarynda muǵalimderdiń biliktiligi atqaratyn qyzmetiniń deńgeıine jetpeıdi.
Mektepter men balabaqshalardyń basshylary jyl sońyna deıin atalǵan kemshilikterdi joıýǵa mindettendi.
«Memlekettik attestatsııadan tek 16 mektep ótti. Árıne, bul kóńil kónshitetin kórsetkish emes. Negizgi kemshilikter – muǵalimderdiń biliktilik deńgeıiniń sáıkessizdigi. Olar memlekettik bilim berý standarttaryna saı kelmedi. Keı jerlerde elektrondy «Kúndelik» jýrnalyn qoldaný boıynsha zańbuzýshylyqtar anyqtaldy», - deıdi departament basshysy Zeınep Mahsutova.
