ShQO-da qutqarýshylar arasynda Qazaqstan chempıonaty ótedi
ShQO Tótenshe jaǵdaılar departamenti baspasóz qyzmetiniń málimetine súıensek, 23-25 aqpan aralyǵynda Óskemen qalasynda órt sóndirý-qutqarý sporty boıynsha Qazaqstan chempıonaty ótedi. Oǵan respýblıkanyń túkpir-túkpirinen 19 komanda qatyspaq.
Olar kedergilermen 100 metrge júgirý, munaranyń 4-qabatynyń terezesine satymen kóterilý syndy saıystarda baq synasady. Erler, áıelder jáne jasóspirimder komandalary jarysqa túsedi.
«Bul órt sóndirýshilerdiń jaýyngerlik ázirligin arttyratyn sport túri. Baspaldaqtyń salmaǵy 8,5 keli, uzyndyǵy 4 metr. Birneshe sekýnd ishinde sportshylar oqý munarasynyń 4-shi qabatyna kóteriledi. Sondyqtan jaqsy nátıje kórsetý úshin jyldamdyq, kúsh pen ıkemdilik qajet. Eń joǵary nátıjelerdiń biri 2021 jyldyń jazynda Qaraǵandy qalasynda ótken álem chempıonatynda tirkeldi. Sportshy Nıkolaı Býtorın baspaldaqpen oqý munarasynyń terezesine 13, 3 sekýndta kóterilgen», - delingen aqparatta.
Aıta keteıik, chempıonatty Qazaqstan Respýblıkasynyń Tótenshe jaǵdaılar mınıstri ıÝrıı Ilın ashady.
