ShQO-da kóshi-qon zańnamasyn buzǵan 55 sheteldik elden shyǵaryldy
ÓSKEMEN. KAZINFORM — Shyǵys Qazaqstan oblysynda zańsyz jumys istep júrgen sheteldikter jazaǵa tartyldy.
ShQO Polıtsııa departamenti baspasóz qyzmetiniń málimetine súıensek, óńir boıynsha jyl basynan beri el aýmaǵynda bolý jáne eńbek qyzmetin júzege asyrý erejelerin buzǵan 350-den astam sheteldik anyqtaldy. Olardyń ishinde 55 adamǵa qatysty sot sheshimimen Qazaqstanǵa 5 jyl merzimge kirýge tyıym salynyp, elden shyǵarý sharasy qoldanyldy.
— Polıtseıler sheteldik azamattardyń tirkeý mekenjaılaryn jáne qabyldaýshy taraptyń habarlamalarynyń bolýyn tekserý boıynsha arnaıy reıdterdi jalǵastyryp jatyr. Sonyń nátıjesinde aýdandardyń birinde ýákiletti organnyń ruqsatynsyz jumys istegen 36 sheteldik anyqtaldy. Barlyq zańbuzýshylarǵa qatysty shara qabyldanyp, olar elden shyǵaryldy, — delingen aqparatta.
Al jumys berýshige sheteldik jumys kúshin zańsyz tartqany úshin 200 AEK (786 400 teńge) mólsherinde aıyppul salynǵan.
Eske salsaq, osyǵan deıin Jambyl oblysynda jyl basynan beri 2 756 zańsyz mıgrant ustalǵany habarlanǵan.