ShQO-da qos azamattyqpen júrgen 80-nen astam adam anyqtaldy

ÓSKEMEN. QazAqparat – Shyǵys Qazaqstan oblysynda jyl basynan beri qos azamattyqpen júrgen 80-nen astam adam anyqtaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, kóshi-qon qyzmeti basqarmasynyń mamandary qos azamattyq faktilerin anyqtaý boıynsha turaqty jumys júrgizýde. Bıyl óńir aýmaǵynda qos azamattyǵy bar 80-nen astam adam anyqtalǵan.

«Máselen, 24 jastaǵy qyz osy jyldyń mamyr aıynda Tomsk qalasynda Reseı Federatsııasynyń azamattyǵyn alǵan. Alaıda sol ýaqyttan beri bul týraly QR Іshki ister organdaryna habardar etpedi. Sondaı-aq QR azamatynyń pasporty men jeke kýáligin tapsyrmaǵan. Sol úshin QR ÁQBtK-niń 496-baby boıynsha ákimshilik jaýapqa tartylǵan ol 200 AEK mólsherinde aıyppul tóleýge mindetteldi», - dedi oblystyq PD bastyǵy Saǵat Mádıev.

Sheteldikten QR azamatynyń jeke kýáligi men pasporty alyndy.