ShQO-da qos azamattyqpen júrgen 50-den astam anyqtaldy
ÓSKEMEN. KAZINFORM - Óskemen qalasynda júrgizilgen reıd barysynda qos azamattyǵy bar adam jaýapqa tartyldy.
ShQO polıtsııa departamenti baspasóz qyzmetiniń málimetine súıensek, er adam shamamen 8 jyl buryn ózge eldiń azamattyǵyn alǵanymen, osy ýaqytqa deıin Qazaqstan Respýblıkasynyń qujattaryn paıdalanyp kelgen.
Sot sheshimimen ol elden shyǵarylyp, QR azamattyǵynan aıyryldy.
- Qazaqstan Respýblıkasynyń zańdary qos azamattyqqa qatań tyıym salady. Soǵan qaramastan, keıbir azamattar zeınetaqy nemese ózge de áleýmettik tólemderden aıyrylyp qalmaý úshin sheteldik tólqujat alǵanyn jasyrady. Bul zańbuzýshylyq ári aýyr quqyqtyq saldarǵa ákelip soǵady, - delingen habarlamada.
Jyl basynan beri óńirde 50-den astam qos azamattyq faktisi anyqtalǵan.
Eske salsaq, Atyraýda qujaty joq 10 jastaǵy bala polıtsııa kómegimen mektepke qabyldanǵany týraly jazǵan bolatynbyz.