ShQO-da koronavırýsqa qarsy vaktsına alǵandar sany 90% asty

ÓSKEMEN. QazAqparat – Shyǵys Qazaqstan oblysynda koronavırýsqa qarsy vaktsınanyń birinshi komponentin alǵan halyq sany 90% asty, dep habarlaıdy QazAqparat tilshisi.

ShQO ákimdiginiń málimetine súıensek, búginde óńir jurtshylyǵy arasynda COVID-19 ınfektsııasyna qarsy ekpeniń birinshi komponentin alǵandar úlesi – 92,1% paıyzdy qurap otyr. Al jalpy halyqtyń 83,9 paıyzy vaktsınanyń eki komponentin de saldyrǵan.

Vaktsınanyń eki komponentin alǵandar boıynsha Úrjar, Besqaraǵaı jáne Aıagóz aýdandary aldyńǵy qatarda. Bul aýdandarda ekpege qarsy kórsetilimderi joq turǵyndar tolyqtaı vaktsına aldy. Al eń tómengi orynda – Shemonaıha aýdany tur (66,1%). Sondaı-aq Glýbokoe aýdanynda halyqtyń 73,7 paıyzy ǵana ekpeniń eki komponentin alǵan.

Aıta keteıik, sońǵy táýlikte Shyǵys Qazaqstan oblysynda 83 adam qaýipti dertke shaldyqty.