ShQO-da koronavırýs statsıonarlarynda 55 adam emdelip jatyr

​ÓSKEMEN. QazAqparat - Shyǵys Qazaqstan oblysyna koronavırýs statsıonarlarynda 55 adam emdelip jatyr, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde sońǵy táýlikte COVID-19 ınfektsııasyn juqtyrǵan 3 adam tirkeldi. Onyń úsheýinde de derttiń sımptomdary baıqalǵan.

«Bir kúnde 11 patsıent koronavırýstan tolyqtaı saýyǵyp shyqty. Qazirgi ýaqytta oblys boıynsha statsıonar jaǵdaıynda 55 naýqas em-dom qabyldap jatyr. Jalpy Shyǵys Qazaqstandaǵy statsıonarlarda tósek-oryn júktemesi – 2,7 paıyzdy quraıdy», - delingen aqparatta.

Jalpy pandemııa bastalǵaly beri aımaq boıynsha 59 552 adam vırýs juqtyrǵan.

Esterińizge sala ketsek, osyǵan deıin elimizde ótken táýlikte 44 adamnan koronavırýs ınfektsııasynyń anyqtalǵany habarlandy.