ShQO-da Qarttar kúnine oraı túzetý mekemesiniń qyzmetkerleri erekshe aktsııa ótkizdi
ShQO boıynsha QAJ departamenti baspasóz qyzmetiniń málimetine súıensek, OV-156/15 mekemesinde Halyqaralyq qarttar kúnine oraı ájeler men atalarǵa arnalǵan aktsııa uıymdastyryldy.
«Qarttar kúni - bul árbir otbasy úshin erekshe kúnderdiń biri. Osy merekede barlyq izgi nıet pen shynaıy tilekter qazynaly qarııalar men aq jaýlyqty apalarǵa arnalady. Aktsııaǵa QAJD qyzmetkerleriniń balalary qatysyp, zeınetkerlerdiń úılerine baryp qaıtty. Bundaǵy maqsat - balalardy úlkenderge qamqorlyqpen qaraýǵa, meıirimdilikke jáne janashyrlyqqa tárbıeleý», - delingen aqparatta.
Shara barysynda aǵa urpaqqa quttyqtaýlar aıtyldy. Balalar óleń oqyp, án aıtyp, ózderi salǵan sýretterin tabystady. Qýanyshtan kózderine jas alǵan qarttar óz rızashylyqtaryn bildirdi.
