ShQO-da ıisshil ıt kóliktegi jolaýshydan esirtki tapty
ShQO polıtsııa departamenti baspasóz qyzmetiniń málimetine súıensek, «Qarasora» jedel aldyn alý sharasy barysynda Shemonaıha qalasyndaǵy «Rýbej» statsıonarlyq baqylaý beketinde «VAZ» avtokóligi toqtatylǵan.
Patrýldik polıtsııa batalonynyń ınspektory jáne kınologııalyq qyzmet toby 34 jastaǵy jergilikti turǵyn tizgindep kele jatqan kólikti teksere bastaıdy.
Sol kezde «Baron» atty ıisshil ıt kólik jolaýshysyna qarata belgi bergen.
«Nátıjesinde, 40 jastaǵy jolaýshynyń qaltasynan erekshe ıisi bar ósimdik tektes zat salynǵan qońyr-jasyl tústi qaǵaz túıinshek tabyldy. Saraptama qorytyndysyna sáıkes, bul zat salmaǵy 1,06 gramdy quraıtyn keptirilgen marıhýana bolyp shyqty», - delingen aqparatta.
Atalǵan fakti boıynsha QR QK-niń 296-baby 2-bóligine (Esirtki, psıhotroptyq zattar men sol tektesterdi ótkizý maqsatynsyz zańsyz saqtaý) sáıkes sotqa deıingi tergeý amaldary bastaldy.
