ShQO-da esirtkini jarnamalaıtyn 100-den astam graffıtı óshirildi
ShQO Polıtsııa departamenti baspasóz qyzmetiniń málimetine súıensek, tártip saqshylary esirtki men psıhotroptyq zattar satylatyn saıttardy jarnamalaıtyn graffıtı sýretterdi joıý úshin shara ótkizgen.
«Búgingi tańda esirtki saýdalaıtyndar turǵyn úılerdiń qabyrǵasyna jáne basqa da qoǵamdyq oryndarǵa graffıtı sýretterdi salý arqyly jarnama jasaýda. Osyǵan oraı polıtseıler men jastar birlesken reıdke shyqty. Anyqtalǵan graffıtı sýretter birden óshirilip otyrdy. Jalpy polıtsııa qyzmetkerleri bıyl esirtki jarnamalaıtyn 100-den astam graffıtı sýretti joıǵan», - delingen aqparatta.
Osy rette, quqyq qorǵaý organynyń qyzmetkerleri esirtki jarnamasy bar graffıtıdi nemese ony salýmen aınalysatyn adamdardy kórgen turǵyndardan dereý «102» arnasyna nemese 8(7232)-26-42-76 senim telefonyna habarlaýdy suraıdy.
