ShQO-da brakonerlerden qutqarylǵan Qyzyl kitapqa engen qustar erkindikke jiberildi

ÓSKEMEN. QazAqparat – Shyǵys Qazaqstan oblysynda ıtelgi tuqymdas sırek kezdesetin eki qus tabıǵatqa qaıta oraldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, sırek kezdesetin qustar qarasha aıynyń basynda Óskemen qalasyndaǵy eki brakonerden tárkilengen.

Bul qylmys «Brakoner» jedel aldyn alý shara aıasynda oblystyq PD krımınaldyq polıtsııa basqarmasy jáne Ulttyq qaýipsizdik komıtetiniń ShQO boıynsha departamenti qyzmetkerleriniń birlesken is-qımylynyń nátıjesinde ashylyp otyr.

Qutqarylǵan qustar Shyǵys Qazaqstan oblystyq sáýlet-etnografııalyq jáne tabıǵı-landshaftyq mýzeı-qoryǵyna jetkizilgen.

Veterınarııalyq saraptama júrgizilip, tergeý amaldary aıaqtalǵan soń qustar tabıǵatqa ushyryldy.

«Itelgi - sırek kezdesetin jyrtqysh qus. Ony búkil Qazaqstan aýmaǵynan kezdestirýge bolady. Qazaqstan bıosanalýandyqty saqtaý qaýymdastyǵy jáne Qazaqstannyń qustardy qorǵaý odaǵynyń sheshimimen 2020 jyly ıteldi jyl qusy atanǵan» dep habarlady vedomstvo ókilderi.