ShQO-da «Bilikti maman» jobasy aıasynda stýdentterge 450 grant bólindi
Oblys ákimdiginde ótken jınalys barysynda «Bilikti maman» jobasy boıynsha bilim granttaryn bólý máselesi talqylandy.
«Bıyl jergilikti bıýdjet esebinen 450 grant bólindi. Onyń 222-si tehnıkalyq mamandyqtarǵa berilgen. Sonymen qatar Bilim basqarmasy, Kásipkerler palatasy jáne jergilikti kásiporyndarmen birlesip, birqatar jumys júrgizildi. Atap aıtqanda, 2026 jylǵa deıin bizge 7 myńǵa jýyq maman daıyndaý kerektigi anyqtaldy. Olardyń barlyǵy jumyspen qamtylady», - dedi aımaq basshysy Danıal Ahmetov.
Sondaı-aq joba aıasynda stýdentterdi medıtsınalyq jáne pedagogıkalyq mamandyqtar boıynsha oqytýǵa granttar bólinbek.
«Bıyl 25 stýdentti veterınarııa jáne mal sharýashylyǵy baǵyty boıynsha oqytatyn bolamyz. Oblysta bul mamandar jetispeıdi. Jalpy búginde joǵary, tehnıkalyq jáne kásiptik bilim berý júıesine qomaqty qarjy jumyldyrylýda. Nátıjesinde, fakýltetter, ǵylymı zerthanalar, quzyrettilik ortalyqtary ashylyp, jataqhanalar salynýda. «Bilikti maman» jobasyn ary qaraı jalǵastyratyn bolamyz. Kelesi jyly grant sanyn 50-ge kóbeıtemiz», - dedi ShQO ákimi.