ShQO-da bank menedjeri 4,5 mln teńge qarjyny ıemdengen

ÓSKEMEN. QazAqparat - Shyǵys Qazaqstanda bank menedjerinen 80-nen astam turǵyn zardap shekken, dep habarlaıdy QazAqparat tilshisi ShQO Polıtsııa departamentiniń baspasóz qyzmetine silteme jasap.

Vedomstvodan málim etkendeı, Óskemen qalalyq polıtsııa basqarmasynda laýazymyn asyra paıdalanyp, urlyq jasady jáne alaıaqtyqpen aınalysty degen kúdikpen 28 jastaǵy turǵynǵa qatysty qylmystyq is óndirisi aıaqtaldy.

«Kúdikti bank bólimshesinde bank kartalary jónindegi menedjer qyzmetinde 3 jyldan astam ýaqyt jumys istegen. Ol bank klıentterine tólem kartalary boıynsha qyzmet kórsetip kelgen», - dep túsindirdi oblystyq polıtsııa departamentinen.

Polıtsııa qyzmetkerleri kúdiktiniń qyzmettik laýazymyn paıdalana otyryp, klıentterdiń aqshalaı qarajatyn óz shotyna aýdaryp kelgen, sondaı-aq klıentterge jalǵan aqparat bere otyryp, banktiń 89 klıentine qatysty birqatar qylmys jasaǵan.

«Tergeý barysynda 4 500 000 teńgege qatysty aryz tústi», - ShQO PD bastyǵynyń mindetin atqarýshy Janbolat Qaletaev.

Aıta keteıik. Qylmystyq is óndirisi aıaqtalyp, sotqa jiberildi.

Avtory Oral Erlanuly