ShQO-da áıelder arasynda ıntellektýaldyq saıys ótti
Óskemendegi D.Serikbaev atyndaǵy ShQTÝ-da názik jandar arasynda saıys ótti. Oǵan Shyǵys Qazaqstan tehnıkalyq ýnıversıteti, S. Amanjolov atyndaǵy ShQÝ, Qazaqstan-AQSh erkin ýnıversıteti oqytýshylary, qyzmetkerleri men stýdentteri jáne oblystyq isker áıelder keńesiniń tóraǵasy qatysty.
Barlyq qatysýshylar 3 komandaǵa bólindi. Olar bilimpazdyqtary men uıymshyldyǵyn kórsetti. Shara 8 naýryz – Halyqaralyq áıelder kúnine arnalǵandyqtan, suraqtardyń barlyǵy áıelder taqyrybyna qatysty boldy.
Saıys birneshe raýndtan turdy. Ár raýndtyń óz taqyryby bar, atap aıtqanda «Sulýlyq – qorqynyshty kúsh», «Kóleńkemen boks», «Sáńqoı», «Dámdi áńgimeler», «Salaýatty ómir salty jáne taǵy da basqa».
Barlyq raýnd qorytyndysy boıynsha «Vıktorııa» komandasy jeńimpaz atandy. Al 2-oryndy «Edelveıs» komandasy ıelense, 3-oryn «Lıbertı» komandasyna buıyrdy.
