ShQO-daǵy aýrýhana ákimshiliginiń 27 kásipker aldyndaǵy qaryzy 134 mln teńgege jetken

ÓSKEMEN. KAZINFORM – Shyǵys Qazaqstan oblysy Kúrshim aýdanyndaǵy aýrýhana ákimshiligi 27 kásipkerge 134 mln teńge tólemegen.

Shyǵys Qazaqstan oblysy Kúrshim aýdanynyń prokýratýrasy memlekettik satyp alý salasynda zańnamanyń saqtalýyn taldaý barysynda kommýnaldyq memlekettik kásiporyn tarapynan zańbuzýshylyqtardy anyqtady.

«Atap aıtqanda, aýdandyq aýrýhana ákimshiligi jasalǵan kelisim-sharttar boıynsha óz mindettemelerin oryndaǵan 27 kásipkerdiń aldyndaǵy 134 mln teńge qaryzyn ótemegen. Prokýrorlyq qadaǵalaý aktisine sáıkes, aýrýhana basshylyǵy qazirgi ýaqytta 20 kásipkerge 98,3 mln teńge kóleminde qaryzdy tóledi», - dep habarlady oblys prokýratýrasynyń baspasóz qyzmetinen.

Aýrýhana ákimshiligi qalǵan qaryzdy qysqa merzimde óteıtin bolady.

Eske salsaq, osyǵan deıin ShQO-daǵy kásiporynnyń 220 jumysshysy jalaqylaryn ala almaı kelgeni habarlanǵan.