ShQO-da ata-analardyń kóbi balasyna «V» gepatıtine vaktsına saldyrýdan bas tartyp jatady

ÓSKEMEN. KAZINFORM –  Shyǵys Qazaqstan oblysynda 91 ata-ana balasyna ekpe saldyrmaı qoıǵan. Onyń ishinde kóbisi «V» gepatıtine vaktsına saldyrýdan bas tartqan.  

ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, jyl basynan beri ata-analardyń balalarǵa profılaktıkalyq ekpeden bas tartýynyń 91 faktisi tirkelgen.

«Onyń 63 paıyzy perzenthanada «V» vırýsty gepatıtine qarsy ekpeden bas tartýǵa qatysty bolyp otyr. Ekpeden bas tartýdyń jıi kezdesetin sebebi - jeke senimderge baılanysty. Bul jalpy bas tartqandardyń 80 paıyzyn quraıdy», - delingen aqparatta. 

Qazirgi ýaqytta óńir boıynsha vaktsınatsııa máseleleri boıynsha 45 senim telefony jumys istep tur.

«Halyqqa jan-jaqty túsindirý jumystary júrgizilip jatyr. Atap aıtqanda, bıyl 2366 jas anaǵa ekpe saldyrýdyń paıdasy túsindirildi. Sondaı-aq párzenthanalar men emhanalarda osy taqyrypqa qatysty 449 dáris oqyldy», - delingen habarlamada. 

Eske salsaq, buǵan deıin jambyldyq dárigerler naýqastyń óz tinderinen traheıasyn qalpyna keltirgeni habarlanǵan.