ShQO-da «Ańsaǵan sábı» baǵdarlamasy boıynsha 1000-nan astam otbasy kezekte tur

ÓSKEMEN. QazAqparat – Shyǵys Qazaqstan oblysynda «Ańsaǵan sábı» baǵdarlamasy boıynsha 1000-nan astam otbasy kezekte tur, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, «Memleket basshysynyń tapsyrmasyna sáıkes elimizde «Ańsaǵan sábı» baǵdarlamasy iske asyp jatyr. Byltyr Shyǵys Qazaqstan oblysynda atalǵan baǵdarlama aıasynda 488 áıelge ekstrakorporaldi uryqtandyrýǵa kvota bólingen.

«Ańsaǵan sábı» baǵdarlamasy boıynsha mindetti áleýmettik medıtsınalyq saqtandyrý arqyly EKU rásimi tegin júrgiziledi. Kvota alǵysy keletinder mindetti túrde saqtandyrylǵan bolýy tıis. Óńirde bul baǵdarlama nátıjesinde alǵashqy náreste 2022 jyldyń qańtar aıynda dúnıege kelgen. Bıyl kvota alý úshin kezekte 1000-nan astam otbasy tur», - delingen aqparatta.

Eske salsaq, ótken jyly Qazaqstanda «Ańsaǵan sábı» baǵdarlamasy aıasynda 6,5 áıelge kómek kórsetildi. Nátıjesinde 2650 otbasynda 3110 sábı dúnıe esigin ashqan.