ShQO-da altyn qazam dep tabıǵatty lastaǵandarǵa 2,5 mln teńge aıyppul salyndy

ÓSKEMEN. QazAqparat – Shyǵys Qazaqstan oblysy Samar aýdanynda altyn qazý barysynda tabıǵatqa zalal keltirgen kompanııaǵa aıyppul salyndy, dep habarlaıdy QazAqparat tilshisi.

ShQO ekologııa departamenti baspasóz qyzmetiniń málimetine súıensek, Samar aýylynyń turǵyndary Qulynjon ózeniniń mańynda altyn qazyp jatqan kompanııaǵa shaǵymdanǵan.

Olardyń aıtýynsha, qazba jumystarynyń saldarynan ózen lastanyp, jer buzyldy.

Soǵan baılanysty departament mamandary «Kaskad-N» JShS-ǵa qatysty jospardan tys ekologııalyq tekserý júrgizgen.

«Aýyldan 18 shaqyrym qashyqtyqta ornalasqan «Qulynjon» ýchaskesin tekserý barysynda atalǵan kompanııanyń «SOK’s GOLD» JShS merdigerlik uıymy qyzmetin paıdalanǵany anyqtaldy. Jer qoınaýyn paıdalaný saldarynan jerdiń tozǵany belgili boldy. «SOK’s GOLD» JShS-ǵa qatysty 2 511 660 teńge somasyna ákimshilik quqyq buzýshylyq týraly hattama toltyryldy», - delingen aqparatta.

Sondaı-aq «Kaskad-N» JShS-da qazba jumysyn júrgizýge memlekettik ekologııalyq saraptamanyń oń qorytyndysy bolmaǵan.

Osylaısha, JShS is-áreketinde ÁQBtK-niń 332-baby 1-bóligine sáıkes 50 AEK (153 150 teńge) mólsherinde aıyppul salyndy.

Tekserý qorytyndysy boıynsha kompanııaǵa remedıatsııa júrgizý týraly uıǵarym berildi.

Sonyń sheńberinde buzylǵan jer qalpyna keltiriledi.